منتديات أذواق ناعمه

عزيزي الزائر مراااااااحب واهلين وسهلين
اذا كنت احد الاعضاء فالرجاء سجل دخولك
واذا كنت من الضيوف الاعزاء الرجاء التسجيل لسهوله التصفح
منتديات أذواق ناعمه

منتديات اذواق ناعمه


    انت اجمـل اللـي تسجـل فـي سجلاتـي

    شاطر
    avatar
    ღ•.الأمـيــــرة .•ღ

    عدد المساهمات : 9
    تاريخ التسجيل : 10/06/2009

    انت اجمـل اللـي تسجـل فـي سجلاتـي

    مُساهمة  ღ•.الأمـيــــرة .•ღ في الأحد يونيو 21, 2009 4:19 pm


    لا يطـوّل سكوتـك ولا يطـوّل سكاتـي
    تـرى الدعـاوي بسيـطـه لا تكبّـرهـا
    خلـك علـى خبـري وظنـي وهقواتـي
    خابرنـي الضيـق والضيقـات خابـرهـا
    وسّـع لـي البـال يـا سيّـد طموحاتـي
    ولا تغيّـر النظـره اللـي كنـت تنظرهـا
    تقول : حـب البشـر طـوّق مساراتـي ؟
    ابـك انـت حبـك مساراتـي يسيّرهـا !!
    ان غبـت عانـت عيونـي مـن معاناتـي
    وذكـرك يصبّرنـي وطيفـك يصبّـرهـا
    لا يـا بعـد شهرتـي واعظـم نجاحاتـي
    وكل القصايد مـن ابسطهـا ليـا اشهرهـا
    ولا يـا بعـد مـن يـدوّر لانكسـاراتـي
    شعّار سبب وجـودي ضيـق خاطرهـا !!
    انت اجمـل اللـي تسجـل فـي سجلاتـي
    ان جيت : وين البشر ؟ وان رحت : مكثرها
    يـا اوّل وآخـر قصيـدي وآروّع ابياتـي
    محدٍ يحـب القصايـد كثـر شاعرهـا !!
    مـا فـاق حبـي لـك الا حبـي لـذاتـي
    يعنـي احبـك محبّـه مــا اتصـوّرهـا
    يا اصدق من النشـوه اللـي فـي بداياتـي
    لا قلت لي كـم بيـت .. وقالـوا انشرهـا
    واغلى من الدمعـه اللـي كـل صدماتـي
    تطلـب يدييهـا !! واحجّرهـا ولا انثرهـا
    وآحـن منـي علـيّ ان شفـت زلاّتــي
    القـاك بررتهـا لـو صعـب ابـررهـا
    واطهـر حكايـة محبّـه فـي حكايـاتـي
    مـن قبـل لا عيشهـا حسّيتـك اطهرهـا
    لا تلومنـي لا بديـت آخـاف وآحـاتـي
    كـل حاجـةٍ غاليـه مـا ودّي اخسـرهـا
    ولا تضـايـق لـيـا كـثّـرت جيّـاتـي
    ضيّعـت فيـك السنيـن وجيـت ادوّرهـا
    تـعـال رتبـنـي ورتــب حسابـاتـي
    او تدري شلـون ؟! رتبنـي و بعثرهـا !!
    مو مشكله لـو تصيـر اطـوّل مسافاتـي
    المشكلـه لابديـت احـسّـك اقصـرهـا
    اكبـر عيوبـي : بديتـك مـن نهايـاتـي
    واكبر عيوبك : لقيـت اوّلـك بآخرهـا !!
    يـا مكتشـف عالمـي واقـدم حضاراتـي
    حرام كسـر الخواطـر بيـد جابرهـا ؟!
    مـدام تقـدر علـى اللـي فـوق قدراتـي
    لا تذخـر الفزعـه اللـي قلـت ذاخرهـا
    رجعنـي لوقتـي او رجعـلـي اوقـاتـي
    عاميـن تنطرنـي .. وعاميـن ناطرهـا
    وتقـبـل الــود والشـكـر وتحيـاتـي
    يا ساكـن الـروح والـروح ومشاعرهـا
    وروّق وركّـز وحـاول تفهـم الآتــي:
    فكـره تأكـد قلـيـل الـلـي يفكـرهـا
    لـو ان غيـري معـاك يسـوي سواتـي
    قلت : انت نعمه وهـو عاجـز يقدّرهـا !!

      الوقت/التاريخ الآن هو الثلاثاء أكتوبر 24, 2017 1:38 pm